කැලරි දහනය වෙන්න ඇවිදින විදිහ

ඇවිදීම කියන්නේ වඩාත් ඵලදායි සරල ව්‍යායාම ක්‍රමයක්. හැබැයි, නිවැරදිව සිරුරට ව්‍යායාම ලබාදෙමින් සිරුරේ බර අඩුකරගන්න නම් මෙන්න මේ උපදෙස් කිහිපයත් මතකයේ තියාගන්න.

ඇවිදීම පුහුණු ව්‍යායාමයක් කරගන්නේ කොහොමද?

සිරුරේ බර අඩු කරගන්න නම් කැලරි දහනය කරගත යුතුවෙනවා. ඒ සඳහා බලපාන ප්‍රධාන සාධක තමයි ඔබ විසින් ඇවිදීමේ ව්‍යායාමයේදි ආවරණය කල මුලු දුර, ඔබේ වේගය සහා ඔබේ බර ප්‍රමාණය. වඩාත් කාර්යක්ෂාම් ප්‍රතිඵල ලබාගන්න නම් දිනපතා යම් කාලසටහනකට අනුව ඇවිදීමේ ව්‍යාම් සිදුකිරිම සහා පියවර මනින උපකරණයක් (pace counter) එකක් භාවිතා කිරීම වැදගත් වෙනවා.

මෙම උපාංගය මඟින් ඔබ ගමන් කල සම්පූර්ණ දුර පියවර ගණන අනුව දක්වනු ලබයි. ඔබ කොපමණ දුරක් ඇවිද්දත් තවමත් බර අඩු වෙලා නැත්නම් තව කොපමණ දුර ප්‍රමාණයක් ඇවිදින්න අවශ්‍යද කියලා අදහසක් ලබාගන්න එය ගොඩක් ප්‍රයෝජනවත් වේවි.

බර අඩු කරගන්න නම් දවසකට කොපමණ පියවර ගණනක් ඇවිදින්න අවශ්‍ය ද?

මෙම ආසන්න ගණනය කිරීම් ඔබේ ව්‍යායාම් කටයුතු සැලසුම් කරගැනීමට ඔබට යම් අදහසක් ලබාදේවි. නමුත්, බර අඩු කරගැනීමේ ක්‍රියාවලිය සාර්ථක කරගැනීමට නම් ඔබේ ආහාර රටාව, සෞඛ්‍යය පුරුදු, සෞඛ්‍යය තත්වය වගේම දෛනික ජීවන රටාවත් විශාල බලපෑමක් කරනු ලබන බැවින් ඒ කරුණු කෙරෙහි වැඩි අවධානයක් ලබාදෙන්න.

කිලෝ කැලරි 100 = පියවර 2000 = කිලෝමීටර් 1.6

කිලෝ ග්‍රෑම් 1 = පියවර 140,000= කිලෝ කැලරි 7000= කිලෝ මීටර් 112

ඇවිදින ප්‍රමාණය වැඩි කරගැනීමට කෙටි දුරවල් සහිත ගමන් වාහනය පැදවීමෙන් හෝ බස් රථයකින් ගමන් කිරිමට උත්සාහ නොකිරීම,විදුලි සෝපාන හෝ ස්වයංක්‍රීය පඩිපෙළ වල් භාවිතා නොකිරීම,බලු සුරතලා සමඟ ඇවිදීමට යාම වැනි ක්‍රම භාවිතා කල හැකියි.එලිමහනේ ඇවිදීමට කැමති නැති කෙනෙකු හට treadmill ව්‍යායාම් උපකරණයක් භාවිතා කරමින් ඇවිදීමේ ව්‍යායාම් වල නිරත විය හැකියි.

නිවැරදිව ඇවිදිමු.ඔබේ පියවර අසමාන සහා එකිනෙක වෙනස් විය හැකියි. ඔබේ පියවර දුර මැනගැනීම සඳහා මීටර් 10-20 ක පමණ දුරක් මැන ගෙන , ඒ දුර අතර ඔබේ සාමාන්‍ය පියවර තබන ආකාරයෙන් ගමන් කරමින් පියවර සංඛ්‍යාව ගණනය කරගන්න. එම දුර ප්‍රමාණයේ සෙන්ටිමීටර් අගය (1000 හෝ 2000) ඔබ තැබූ පියවර ගණනනෙන් බෙදන්න.

වැඩි කැලරි ප්‍රමාණයක් දහනය කරගැනීමට කොපමණ දුරක් ඇවිදිය යුතුද?

මිනිත්තුවකට පියවර 70 කට අඩුවෙන් පියවර තැබීම- මෙය හෘදයාබාධ තත්වයකින් හෝ ඇන්ජිනා හෙවත් අධික වෙහෙස නිසා පපුවේ ඇතිවන වේදනාව වැනි රෝග වලට ලක් වී සුව වෙමින් සිටින පුද්ගලයින් සඳහා නිර්දේශ කරන වේගයයි. නමුත්, නීරෝගි පුද්ගලයෙකු හට නම් මේ වේගය ප්‍රමාණවත් නැත.

මිනිත්තුවකට පියවර 71-90 (පැයට කිලෝමීටර් 3-4 ක් පමණ) ඇවිදීම හෘත්ධමනි රෝග සහිත පුද්ගලයින් සඳහා ඇවිදීමට සුදුසු වේගයයි.

මිනිත්තුවකට පියවර 91-110 (පැයට කිලෝමීටර් 4-5 ක් පමණ) ඇවිදීම නීරෝගි පුද්ගලයෙකු සඳහා සිරුරට යම් ප්‍රමාණයකින් හොඳ ව්‍යායාම ලැබෙන වේගයකි.

මිනිත්තුවකට පියවර 111-130 අතර ඇවිදීමේ වේගයක් පවත්වා ගැනීම මඟින් ඔබේ සිරුරට වඩාත් හොඳ ව්‍යායාම් ලැබෙන අතර කැලරි වේගයෙන් දහනය කරගත හැකිය. නමුත්, මෙසේ දිගු වේලාවක් පියවර තබමින් වේගය පවත්වාගෙන ඇවිදීම නීරෝගි පුද්ගලයෙකුට පවා අපහසු විය හැකියි.

ඇවිදීමේ ව්‍යායාම් වලදි කල යුතු සහා නොකල යුතු දේවල් කිහිපයක්

මුල්ම වරට ව්‍යායාමය ආරම්භ කරන විට, සැහැල්ලු බරක් සහිතව ඇවිදින්න.ක්‍රමයෙන් ඇවිදින කාලයත් පියවර ප්‍රමාණයත් වැඩි කරන්න. ඇවිදින දුර ප්‍රමාණය වැඩි කිරීමේදි ඔබ ගෙන යන බර සැහැල්ලු වන තරමට ඔබේ සිරුරට වඩාත් හිතකර වේවි.

දිනපතා ඇවිදීම පුහුණු වෙන්න. සතියක් පමණ ඇවිදීමෙහි නිරත වීම ප්‍රමාණවත් ව්‍යායාමයක් සිරුරට ලබා නොදේ. දිනපතා සිදුකල නොහැකි නම් අවම වශයෙන් සතියකට දෙවරක් හෝ තෙවරක් ඇවිදීමේ ව්‍යායාම් වල නිරත වෙන්න. ඔබට පහසු ඕනම මොහොතක ඇවිදීමේ ව්‍යායාම වල නිරත වෙන්න. නමුත් ප්‍රධාන ආහාර වේලකට පැය 1-1 1/2 ක් ගත වීමට පෙර එසේ නොකල යුතුය.

කායික රෝග විශේෂඥයෙකු හමුවී පූර්ණ ශරීර පරීක්ෂාවක් සිදුකරගන්න.එය ඔබේ සෞඛ්‍යය තත්වය පැහැදිලි කරගැනීමට ප්‍රයෝජනවත් වේ. වසරකට වරක් හෝ දෙවරක් එසේ සිදුකරගැනීම වඩාත් සුදුසුයි.

ඇවිදීමේදි ඔබේ ඉරියව්ව ගැන සැලකිලිමත් වන්න. ඔබේ කවන්ධය සහා උරහිස් සෘජුව පිහිටිය යුතු අතර ඔබේ උදරය ඇතුල් දෙසට හකුලාගෙන තිබිය යුතුයි.

කෙටි දුරක් ඉතා මන්දගාමි වේගයකින් ගමන් කිරීමෙන් සිරුරට එතරම් ව්‍යායාමයක් නොලැබේ. ඒ වගේම හොඳ සූදානමකින් තොරව වඩාත් වැඩි වේගයකින් වැඩි දුරක් ගමන් කිරීමෙන් ඔබේ සෞඛ්‍යයට හානි සිදුවීමටත් ඉඩ ඇත. එබැවින් හොඳ පෙර සූදානමකින් යුතුව ක්‍රමයෙන් වේගය සහා දුර වැඩිකරමින් ඇවිදීමේ ව්‍යායාම් වල නිරත වීමෙන් සිරුරට හොඳින් ව්‍යායාම් ලබාදී වැඩි කැලරි ප්‍රමාණයක් දහනය කරගත හැකි වනු ඇත.

Check Also

ඔබ වැඩිපුර සිනාසෙන විට සිදුවන දේවල්

අපි සිනාසෙන විට, අපට ක්ෂණිකව වෙනස් හැඟීමක් දැනෙන්නට පටන් ගනී, අමුතු ආකාරයකින්, අපගේ මුහුණ සහ …

Leave a Reply

Your email address will not be published. Required fields are marked *